Inoqutigiit ilaqutariillu
Januaarip aallaqqaataani innuttaasut ukiumoortumik saqqummersinneqartartumut ilanngullugu ilaqutariit amerlassusaat, ilaqutariit assigiinngitsut tassunga ilanngullugit, saqqummersinneqartalerput.
Danmark Statistikip ilaqutariit pillugit saqqummersitsinerminnut atortagaasa assingi Naatsorsueqqissaartarfimmit atorneqarput. Ilaqutariit pillugit taaguut uani nassuiarneqartoq atuarneqarsinnaavoq: www.stat.gl/BEN201605/o1
Naatsumik oqaatigalugu, ilaqutariit tassaapput inuk ataaseq imaluunniit inoqutigiit arlariit, aappariinnikkut ilaqutariinnikkulluunniit imminnut ataqatigiittut. Inoqutigiit ataatsit ilaqutariit arlariiusinnaapput, kisianni ilaqutariit inoqutigiinni assiigiinngitsuneersinnaanngillat.
Titartagaq. Inoqutigiinni* ilaqutariit pingasut
*Inoqutigiini ataatsimi najugaqartut tamarmik ataatsimut nalunaarsorsimasarput.
2018 januaarip aallaqqaataani inuit 55.329-t ilaqutariinni 29.554-iusuni 22.128-t inoqutigiinni najugaqarput, agguaqatigiissillugu inoqutigiinnut ataatsinut ilaqutariit 1,3-ullutik. Taamatuttaaq inuit 548-t allaffissornikkut najugaqarfinni nalunaarsorneqarsimapput.